1) ನಾಸಾದ 'ಆರ್ಟೆಮಿಸ್-2' ಮಿಷನ್ನ ಪ್ರಮುಖ ಉದ್ದೇಶ ಮತ್ತು ಅದರ ವಿಶೇಷತೆ ಏನು?
ಉತ್ತರ: ಸುಮಾರು 50 ವರ್ಷಗಳ ನಂತರ ನಾಲ್ವರು ಗಗನಯಾತ್ರಿಗಳನ್ನು ಚಂದ್ರನ ಕಕ್ಷೆಗೆ ಕಳುಹಿಸಿ ಓರಿಯನ್ ನೌಕೆಯ ಸುರಕ್ಷತೆಯನ್ನು ಪರೀಕ್ಷಿಸುವುದು ಈ ಮಿಷನ್ನ ಗುರಿಯಾಗಿದೆ.
[ವಿವರಣೆ: ಈ 10 ದಿನಗಳ ಐತಿಹಾಸಿಕ ಯಾನದಲ್ಲಿ ಗಗನಯಾತ್ರಿಗಳು ಚಂದ್ರನ ಮೇಲ್ಮೈಗೆ ಇಳಿಯದೆ ಅದರ ಸುತ್ತ ಸಂಚರಿಸಿ ಬರಲಿದ್ದಾರೆ; ಇದು ಮಾನವನು ಚಂದ್ರನ ಮೇಲೆ ವಾಸಿಸಲು ಯೋಗ್ಯವಾದ ವಾತಾವರಣ ಮತ್ತು 'ಓರಿಯನ್' ನೌಕೆಯ ತಾಂತ್ರಿಕ ಸಾಮರ್ಥ್ಯವನ್ನು ಪರೀಕ್ಷಿಸುವ ಮಹತ್ವದ ಹಂತವಾಗಿದ್ದು, ಮುಂದಿನ ಆರ್ಟೆಮಿಸ್-3 ಯೋಜನೆಯಲ್ಲಿ ಮಾನವನು ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಯಲು ಇದು ದಾರಿಯಾಗಲಿದೆ.]
----------------------------------------------------------------------------------------------------------------------
2)ಪ್ರತಿಷ್ಠಿತ ಪರಿಸರ ಸಂರಕ್ಷಣಾ ಪ್ರಶಸ್ತಿಗೆ ಈ ಬಾರಿ ಆಯ್ಕೆಯಾದ ಭಾರತೀಯ ಸಂಘಟನೆ ಯಾವುದು?
ಉತ್ತರ: National Mission for Clean Ganga (ಕ್ಲೀನ್ ಗಂಗಾ ಮಿಷನ್)
[ವಿವರಣೆ: National Mission for Clean Ganga (NMCG) ಭಾರತ ಸರ್ಕಾರದ ಪ್ರಮುಖ ಯೋಜನೆಯಾಗಿದ್ದು, ಗಂಗಾ ನದಿಯ ಶುದ್ಧೀಕರಣ ಮತ್ತು ಸಂರಕ್ಷಣೆಯನ್ನು ಉದ್ದೇಶಿಸಿದೆ. ಇದು ನದಿ ಪುನರುಜ್ಜೀವನ, ಮಲಿನಜಲ ನಿರ್ವಹಣೆ ಹಾಗೂ ಪರಿಸರ ಸಂರಕ್ಷಣೆಯಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ. ಇದರ ಸಾಧನೆಗಳನ್ನು ಪರಿಗಣಿಸಿ ಈ ಬಾರಿ ಪ್ರತಿಷ್ಠಿತ ಪರಿಸರ ಸಂರಕ್ಷಣಾ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.]
----------------------------------------------------------------------------------------------------------------------------
3) ಇತ್ತೀಚೆಗೆ ಭಾರತದ ರಾಷ್ಟ್ರಪತಿಗಳಾದ ದ್ರೌಪದಿ ಮುರ್ಮು ಅವರು ಯಾವ ರಾಜ್ಯದ ಪೊಲೀಸ್ ಪಡೆಗೆ, ಅವರ ಅಸಾಧಾರಣ ಸೇವೆ ಮತ್ತು ಶ್ರೇಷ್ಠತೆಯನ್ನು ಪರಿಗಣಿಸಿ ಅತ್ಯುನ್ನತ 'ಪ್ರೆಸಿಡೆಂಟ್ಸ್ ಕಲರ್' (President's Colour) ಪ್ರಶಸ್ತಿಯನ್ನು ನೀಡಿ ಗೌರವಿಸಿದ್ದಾರೆ?
ಉತ್ತರ: ಒಡಿಶಾ ರಾಜ್ಯ ಪೊಲೀಸ್ ಪಡೆ (Odisha Police Force)
[ವಿವರಣೆ : ಈ ಪ್ರಶಸ್ತಿಯು ಭಾರತೀಯ ಸಶಸ್ತ್ರ ಪಡೆಗಳು ಅಥವಾ ಪೊಲೀಸ್ ಘಟಕಗಳಿಗೆ ನೀಡಲಾಗುವ ಅತ್ಯಂತ ಪ್ರತಿಷ್ಠಿತ ಗೌರವಗಳಲ್ಲಿ ಒಂದಾಗಿದೆ. ಇದರ ಪ್ರಮುಖ ಮಾಹಿತಿಗಳು ಹೀಗಿವೆ:
ರಾಷ್ಟ್ರಪತಿಗಳ ಧ್ವಜ: 'ಪ್ರೆಸಿಡೆಂಟ್ಸ್ ಕಲರ್' ಅನ್ನು 'ನಿಶಾನ್' ಅಥವಾ 'ರಾಷ್ಟ್ರಪತಿಗಳ ಧ್ವಜ' ಎಂದೂ ಕರೆಯಲಾಗುತ್ತದೆ. ಇದು ಶಾಂತಿ ಮತ್ತು ಯುದ್ಧದ ಸಮಯದಲ್ಲಿ ದೇಶಕ್ಕೆ ನೀಡಿದ ಅಪ್ರತಿಮ ಸೇವೆಯ ಸಂಕೇತವಾಗಿದೆ.
ಗೌರವಕ್ಕೆ ಕಾರಣ: ಒಡಿಶಾ ರಾಜ್ಯದಲ್ಲಿ ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕಾಪಾಡುವಲ್ಲಿ, ವಿಶೇಷವಾಗಿ ನಕ್ಸಲ್ ನಿಗ್ರಹ (Anti-Naxal operations) ಮತ್ತು ಎಡಪಂಥೀಯ ಉಗ್ರಗಾಮಿ ಚಟುವಟಿಕೆಗಳನ್ನು ಯಶಸ್ವಿಯಾಗಿ ನಿಯಂತ್ರಿಸಿದ ಕಾರಣಕ್ಕೆ ಈ ಗೌರವ ನೀಡಲಾಗಿದೆ.
ಮಹತ್ವ: ಭಾರತದ ಯಾವುದೇ ಪೊಲೀಸ್ ಪಡೆಗೆ ದೊರೆಯುವ ಅತ್ಯುನ್ನತ ಸನ್ಮಾನ ಇದಾಗಿದ್ದು, ಈ ಗೌರವ ಪಡೆದ ಪಡೆಗಳ ಸದಸ್ಯರು ತಮ್ಮ ಸಮವಸ್ತ್ರದ ಎಡಗೈ ತೋಳಿನ ಮೇಲೆ ಈ ಲಾಂಛನವನ್ನು ಧರಿಸುವ ಹಕ್ಕನ್ನು ಪಡೆಯುತ್ತಾರೆ.]
----------------------------------------------------------------------------------------------------------------------------
4) ಕರ್ನಾಟಕ ರಾಜ್ಯದಲ್ಲಿ ಪ್ರತಿವರ್ಷ ಏಪ್ರಿಲ್ 2 ರಂದು 'ಪೊಲೀಸ್ ಧ್ವಜ ದಿನಾಚರಣೆ'ಯನ್ನು (Police Flag Day) ಯಾವ ಸವಿನೆನಪಿಗಾಗಿ ಆಚರಿಸಲಾಗುತ್ತದೆ ಮತ್ತು ಈ ದಿನದ ಮುಖ್ಯ ಉದ್ದೇಶವೇನು?
ಉತ್ತರ : ಸವಿನೆನಪು: 1965 ರ ಏಪ್ರಿಲ್ 2 ರಂದು 'ಕರ್ನಾಟಕ ಪೊಲೀಸ್ ಕಾಯ್ದೆ-1963' ಜಾರಿಗೆ ಬಂದು, ರಾಜ್ಯ ಪೊಲೀಸ್ ಪಡೆ ಅಧಿಕೃತವಾಗಿ ಪುನರ್ ಸಂಘಟಿತಗೊಂಡ ನೆನಪಿಗಾಗಿ.
ಮುಖ್ಯ ಉದ್ದೇಶ: ಪೊಲೀಸ್ ಸಿಬ್ಬಂದಿಯ ತ್ಯಾಗವನ್ನು ಸ್ಮರಿಸುವುದು ಮತ್ತು ನಿವೃತ್ತ ಪೊಲೀಸ್ ಅಧಿಕಾರಿಗಳ ಕಲ್ಯಾಣಕ್ಕಾಗಿ ನಿಧಿ ಸಂಗ್ರಹಿಸುವುದು.
[ವಿವರಣೆ : ಕರ್ನಾಟಕ ಪೊಲೀಸ್ ಇತಿಹಾಸದಲ್ಲಿ ಏಪ್ರಿಲ್ 2 ಅತ್ಯಂತ ಮಹತ್ವದ ದಿನವಾಗಿದೆ. ಇದರ ಹಿನ್ನೆಲೆ ಮತ್ತು ಪ್ರಾಮುಖ್ಯತೆ ಇಲ್ಲಿದೆ:
ಚಾರಿತ್ರಿಕ ಹಿನ್ನೆಲೆ: 1963 ರ ಕರ್ನಾಟಕ ಪೊಲೀಸ್ ಕಾಯ್ದೆಯ ಅಡಿಯಲ್ಲಿ, ಏಪ್ರಿಲ್ 2, 1965 ರಂದು ಇಡೀ ರಾಜ್ಯದ ಪೊಲೀಸ್ ವ್ಯವಸ್ಥೆಯನ್ನು ಏಕರೂಪವಾಗಿ ತರಲು ಮರುಸಂಘಟನೆ ಮಾಡಲಾಯಿತು. ಅಂದಿನಿಂದ ಈ ದಿನವನ್ನು ಧ್ವಜ ದಿನವನ್ನಾಗಿ ಆಚರಿಸಲಾಗುತ್ತಿದೆ.
ಧ್ವಜ ಮಾರಾಟ ಮತ್ತು ನಿಧಿ ಸಂಗ್ರಹ: ಈ ದಿನದಂದು ಪೊಲೀಸ್ ಧ್ವಜಗಳನ್ನು ಸಾರ್ವಜನಿಕರಿಗೆ ನೀಡಿ ನಿಧಿಯನ್ನು ಸಂಗ್ರಹಿಸಲಾಗುತ್ತದೆ. ಈ ಹಣವನ್ನು ಸೇವೆಯಲ್ಲಿದ್ದಾಗ ಮಡಿದ ಅಥವಾ ನಿವೃತ್ತರಾದ ಪೊಲೀಸ್ ಅಧಿಕಾರಿಗಳ ಮತ್ತು ಅವರ ಕುಟುಂಬದವರ ಕ್ಷೇಮಾಭಿವೃದ್ಧಿಗಾಗಿ (Welfare Fund) ಬಳಸಲಾಗುತ್ತದೆ.
ಗೌರವ ಸಮರ್ಪಣೆ: ರಾಜ್ಯದಾದ್ಯಂತ ಪೊಲೀಸ್ ಮೈದಾನಗಳಲ್ಲಿ ಪೆರೇಡ್ ಮತ್ತು ಕವಾಯತುಗಳು ನಡೆಯುತ್ತವೆ. ಕರ್ತವ್ಯದ ಅವಧಿಯಲ್ಲಿ ಶೌರ್ಯ ಮೆರೆದ ಅಧಿಕಾರಿಗಳಿಗೆ ಮುಖ್ಯಮಂತ್ರಿಗಳ ಪದಕ ಸೇರಿದಂತೆ ವಿವಿಧ ಗೌರವಗಳನ್ನು ನೀಡಿ ಸನ್ಮಾನಿಸಲಾಗುತ್ತದೆ.
ನೈತಿಕ ಬೆಂಬಲ: ಸಮಾಜದ ಶಾಂತಿ ಮತ್ತು ಸುವ್ಯವಸ್ಥೆಗಾಗಿ ಹಗಲಿರುಳು ಶ್ರಮಿಸುವ ಪೊಲೀಸ್ ಇಲಾಖೆಗೆ ಸಾರ್ವಜನಿಕರು ಗೌರವ ಮತ್ತು ನೈತಿಕ ಬೆಂಬಲ ಸೂಚಿಸುವ ಒಂದು ವಿಶಿಷ್ಟ ಸಂದರ್ಭ ಇದಾಗಿದೆ.]
----------------------------------------------------------------------------------------------------------------------------
5) ಭಾರತದಲ್ಲಿ ಮೊದಲ ಬಾರಿಗೆ ಜಾರಿಗೆ ಬರುತ್ತಿರುವ 'ಡಿಜಿಟಲ್ ಜನಗಣತಿ'ಯ ವಿಶೇಷತೆಯೇನು?
ಉತ್ತರ: ನಾಗರಿಕರು ಮೊಬೈಲ್ ಆ್ಯಪ್ ಅಥವಾ ವೆಬ್ಸೈಟ್ ಮೂಲಕ ತಾವಾಗಿಯೇ ಮಾಹಿತಿ ದಾಖಲಿಸುವ (ಸ್ವಯಂ ಗಣತಿ) ಅವಕಾಶ ಹೊಂದಿರುವುದು ಇದರ ವಿಶೇಷತೆ.
[ವಿವರಣೆ: ಭಾರತವು ತನ್ನ ಸಾಂಪ್ರದಾಯಿಕ ಕಾಗದ ರಹಿತ ಜನಗಣತಿಯಿಂದ ಸಂಪೂರ್ಣ ಡಿಜಿಟಲ್ ರೂಪಕ್ಕೆ ಬದಲಾಗುತ್ತಿದೆ. 2027ರ ಜನಗಣತಿಯು ದೇಶದ ಇತಿಹಾಸದಲ್ಲೇ ಅತ್ಯಂತ ಆಧುನಿಕ ಪ್ರಕ್ರಿಯೆಯಾಗಿದ್ದು, ಇದಕ್ಕಾಗಿ ಸುಮಾರು 11,718 ಕೋಟಿ ರೂಪಾಯಿಗಳನ್ನು ವ್ಯಯಿಸಲಾಗುತ್ತಿದೆ. ಈ ಡಿಜಿಟಲ್ ಗಣತಿಯಲ್ಲಿ 'Self-enumeration' (ಸ್ವಯಂ ಗಣತಿ) ಎಂಬ ಹೊಸ ಪದ್ಧತಿಯನ್ನು ಪರಿಚಯಿಸಲಾಗಿದೆ. ಇದರಡಿ ಸಾರ್ವಜನಿಕರು ಸರ್ಕಾರಿ ಪೋರ್ಟಲ್ (se.census.gov.in) ಗೆ ಲಾಗಿನ್ ಆಗಿ ತಮ್ಮ ಕುಟುಂಬದ ವಿವರಗಳನ್ನು ತಾವೇ ಭರ್ತಿ ಮಾಡಬಹುದು. ಒಂದು ವೇಳೆ ಯಾರಾದರೂ ಸ್ವಯಂ ಗಣತಿ ಮಾಡದಿದ್ದರೆ, ಅಂತಹವರ ಮನೆಗೆ ಗಣತಿದಾರರು ಬಂದು ಮೊಬೈಲ್ ಆ್ಯಪ್ ಮೂಲಕ ಮಾಹಿತಿ ಸಂಗ್ರಹಿಸುತ್ತಾರೆ. ಈ ಪ್ರಕ್ರಿಯೆಯು ಏಪ್ರಿಲ್ 1, 2026 ರಿಂದ ಕರ್ನಾಟಕ ಸೇರಿದಂತೆ 8 ರಾಜ್ಯಗಳಲ್ಲಿ ಪ್ರಾಯೋಗಿಕವಾಗಿ ಆರಂಭವಾಗಿದ್ದು, ಇದು ಡೇಟಾ ಸಂಗ್ರಹಣೆಯಲ್ಲಿ ನಿಖರತೆ ಮತ್ತು ವೇಗವನ್ನು ಹೆಚ್ಚಿಸಲು ಸಹಕಾರಿಯಾಗಿದೆ. ಈ ಮಾಹಿತಿಯನ್ನು ಆಧರಿಸಿ ಭವಿಷ್ಯದ ಸರ್ಕಾರಿ ಯೋಜನೆಗಳು ಮತ್ತು ಸೌಲಭ್ಯಗಳನ್ನು ರೂಪಿಸಲಾಗುತ್ತದೆ.]
----------------------------------------------------------------------------------------------------------------------------
6) ಇತ್ತೀಚೆಗೆ 50 ವರ್ಷಗಳನ್ನು ಪೂರೈಸಿದ ಜಾಗತಿಕ ಟೆಕ್ ದೈತ್ಯ 'ಆಪಲ್' ಸಂಸ್ಥೆಯ ಸ್ಥಾಪಕರು ಯಾರು?
ಉತ್ತರ: ಸ್ಟೀವ್ ಜಾಬ್ಸ್ ಮತ್ತು ಸ್ಟೀವ್ ವೋಜ್ನಿಯಾಕ್ 1976 ರಲ್ಲಿ ಕ್ಯಾಲಿಫೋರ್ನಿಯಾದ ಗ್ಯಾರೇಜ್ ಒಂದರಲ್ಲಿ ಆಪಲ್ ಸಂಸ್ಥೆಯನ್ನು ಸ್ಥಾಪಿಸಿದರು.
[ವಿವರಣೆ: ಆಪಲ್ ಸಂಸ್ಥೆಯು ತನ್ನ 50 ವರ್ಷಗಳ ಸುದೀರ್ಘ ಪಯಣದಲ್ಲಿ ತಂತ್ರಜ್ಞಾನ ಲೋಕವನ್ನೇ ಬದಲಿಸಿದೆ. 1976ರಲ್ಲಿ ಸ್ಥಾಪನೆಯಾದ ಈ ಕಂಪನಿಯು ಆರಂಭದಲ್ಲಿ ಪರ್ಸನಲ್ ಕಂಪ್ಯೂಟರ್ಗಳ ತಯಾರಿಕೆಯಲ್ಲಿ ತೊಡಗಿಸಿಕೊಂಡಿತ್ತು. ನಂತರದ ದಿನಗಳಲ್ಲಿ ಮ್ಯಾಕಿಂತೋಷ್ (Macintosh), ಐಫೋನ್ (iPhone), ಐಪ್ಯಾಡ್ (iPad) ಮತ್ತು ಆಪಲ್ ವಾಚ್ನಂತಹ ಕ್ರಾಂತಿಕಾರಿ ಉತ್ಪನ್ನಗಳನ್ನು ಪರಿಚಯಿಸುವ ಮೂಲಕ ಜನರ ಜೀವನಶೈಲಿಯನ್ನು ಬದಲಿಸಿತು. ಪ್ರಸ್ತುತ ಟಿಮ್ ಕುಕ್ ಈ ಸಂಸ್ಥೆಯ ಸಿಇಒ ಆಗಿದ್ದು, ಸಂಸ್ಥೆಯು 'ವಿಭಿನ್ನ ಚಿಂತನೆ' (Think Different) ಎಂಬ ತತ್ವದೊಂದಿಗೆ ಜಗತ್ತಿನ ಅತ್ಯಂತ ಮೌಲ್ಯಯುತ ಕಂಪನಿಗಳಲ್ಲಿ ಒಂದಾಗಿ ಬೆಳೆದಿದೆ.]
----------------------------------------------------------------------------------------------------------------------------
7) ಕೇಂದ್ರ ಸರ್ಕಾರವು ಪೆಟ್ರೋಲ್ ಬಂಕ್ಗಳಲ್ಲಿ ಕಡ್ಡಾಯಗೊಳಿಸಿರುವ ಹೊಸ ಇಂಧನ ಮಾನದಂಡ ಯಾವುದು?
ಉತ್ತರ: E20 ಇಂಧನ (20% ಎಥೆನಾಲ್ ಮಿಶ್ರಿತ ಪೆಟ್ರೋಲ್).
[ವಿವರಣೆ: ಮಾಲಿನ್ಯ ತಡೆಗಟ್ಟಲು ಮತ್ತು ಆಮದು ವೆಚ್ಚ ತಗ್ಗಿಸಲು 95 RON ಆಕ್ಟೇನ್ ರೇಟಿಂಗ್ ಹೊಂದಿರುವ E20 ಇಂಧನವನ್ನು ಕಡ್ಡಾಯಗೊಳಿಸಲಾಗಿದೆ.]
----------------------------------------------------------------------------------------------------------------------------
8) ಪ್ರತಿ ವರ್ಷ ಯಾವ ದಿನಾಂಕದಂದು ವಿಶ್ವ ಆಟಿಸಂ ಜಾಗೃತಿ ದಿನವನ್ನು ಆಚರಿಸಲಾಗುತ್ತದೆ?
ಉತ್ತರ: ಏಪ್ರಿಲ್ 2.
[ವಿವರಣೆ: ಆಟಿಸಂ ಹೊಂದಿರುವ ವ್ಯಕ್ತಿಗಳ ಬಗ್ಗೆ ಸಮಾಜದಲ್ಲಿ ಅರಿವು ಮೂಡಿಸಲು ಮತ್ತು ಅವರನ್ನು ಒಳಗೊಳ್ಳಲು ಪ್ರತಿ ವರ್ಷ ಈ ದಿನವನ್ನು ಆಚರಿಸಲಾಗುತ್ತದೆ.]
----------------------------------------------------------------------------------------------------------------------------
ರಾಜ್ಯ ಸುದ್ದಿಗಳು :
- ಹೊಸ ಆರ್ಥಿಕ ವರ್ಷ: ಬೆಲೆ ಏರಿಕೆಯ ಬಿಸಿ : ಏಪ್ರಿಲ್ 1 ರಿಂದ ಹೊಸ ಆರ್ಥಿಕ ವರ್ಷ ಆರಂಭವಾಗಿದ್ದು, ಪೆಟ್ರೋಲ್, ವಿದ್ಯುತ್, ನೀರಿನ ದರ ಮತ್ತು ಟೋಲ್ ಶುಲ್ಕಗಳು ಸೇರಿದಂತೆ ಹಲವು ಅಗತ್ಯ ಸೇವೆಗಳ ದರ ಏರಿಕೆಯಾಗಿರುವುದರಿಂದ ಜನಸಾಮಾನ್ಯರಿಗೆ 'ದುಬಾರಿ ದುನಿಯಾ' ಎದುರಾಗುವ ಸಂಕಷ್ಟ ಎದುರಾಗಿದೆ.
- ಗ್ರಾಮ ಪಂಚಾಯತ್ ತೆರಿಗೆ ಸಂಗ್ರಹದಲ್ಲಿ ದಾಖಲೆ : ಕರ್ನಾಟಕದ 5,943 ಗ್ರಾಮ ಪಂಚಾಯತ್ಗಳು 2025-26ರ ಸಾಲಿನಲ್ಲಿ ದಾಖಲೆಯ ಶೇ. 89 ರಷ್ಟು ತೆರಿಗೆ ಸಂಗ್ರಹ ಮಾಡಿವೆ. ಇದರಲ್ಲಿ ರಾಯಚೂರು ಜಿಲ್ಲೆಯು ಶೇ. 129 ರಷ್ಟು ಸಂಗ್ರಹದೊಂದಿಗೆ ರಾಜ್ಯಕ್ಕೇ ಮೊದಲ ಸ್ಥಾನದಲ್ಲಿದೆ ಎಂದು ಸಚಿವ ಪ್ರಿಯಾಂಕ್ ಖರ್ಗೆ ತಿಳಿಸಿದ್ದಾರೆ.
- ರಾಜ್ಯದಲ್ಲಿ ಆಟೋ ಗ್ಯಾಸ್ (LPG) ಅಭಾವ : ಯುದ್ಧದ ಎಫೆಕ್ಟ್ನಿಂದಾಗಿ ರಾಜ್ಯದ ಹಲವೆಡೆ ಆಟೋಗಳಿಗೆ ಎಲ್ಪಿಜಿ ಗ್ಯಾಸ್ ಸರಿಯಾಗಿ ಸಿಗದೆ ಚಾಲಕರು ಪರದಾಡುತ್ತಿದ್ದಾರೆ. ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ ಗ್ಯಾಸ್ ಸ್ಟೇಷನ್ಗಳ ಮುಂದೆ ಆಟೋಗಳ ಉದ್ದನೆಯ ಸಾಲು ಕಂಡುಬರುತ್ತಿದೆ.
----------------------------------------------------------------------------------------------------------------------------
ರಾಷ್ಟ್ರೀಯ ಸುದ್ದಿಗಳು :
- ಒಡಿಶಾ ಪೊಲೀಸ್ಗೆ ಸಂದ ಗೌರವ: ಸೇವಾ ಶ್ರೇಷ್ಠತೆಗಾಗಿ ಪ್ರತಿಷ್ಠಿತ 'ಪ್ರೆಸಿಡೆಂಟ್ಸ್ ಕಲರ್' ಪ್ರಶಸ್ತಿ : ಒಡಿಶಾ ರಾಜ್ಯದ ಕಾನೂನು ಸುವ್ಯವಸ್ಥೆ ಮತ್ತು ಜನಸೇವೆಯಲ್ಲಿನ ಶ್ರೇಷ್ಠತೆಯನ್ನು ಪರಿಗಣಿಸಿ, ಭಾರತದ ರಾಷ್ಟ್ರಪತಿಗಳಾದ ದ್ರೌಪದಿ ಮುರ್ಮು ಅವರು ಏಪ್ರಿಲ್ 2, 2026 ರಂದು ಒಡಿಶಾ ಪೊಲೀಸ್ ಪಡೆಗೆ ಅತ್ಯುನ್ನತ ಮತ್ತು ಗೌರವಾನ್ವಿತ 'ಪ್ರೆಸಿಡೆಂಟ್ಸ್ ಕಲರ್' (ರಾಷ್ಟ್ರಪತಿಗಳ ಧ್ವಜ) ಪ್ರಶಸ್ತಿಯನ್ನು ನೀಡಿ ಗೌರವಿಸಿದ್ದಾರೆ.
- ಭಾರತವು ಪರಿಸರ ಸಂರಕ್ಷಣೆಗಾಗಿ ಪೆಟ್ರೋಲ್ನಲ್ಲಿ ಶೇ. 20 ಎಥೆನಾಲ್ (E20) ಮಿಶ್ರಣ ಮಾಡುವ ಗುರಿಯನ್ನು ವೇಗಗೊಳಿಸಿದೆ.
----------------------------------------------------------------------------------------------------------------------------
ಅಂತಾರಾಷ್ಟ್ರೀಯ ಸುದ್ದಿಗಳು :
- ಆಪಲ್ ಸಂಸ್ಥೆಯ ಸುವರ್ಣ ಮಹೋತ್ಸವ: 50 ವರ್ಷಗಳ ಸಾಧನೆಯ ಹಾದಿ : 1976 ರಲ್ಲಿ ಸ್ಟೀವ್ ಜಾಬ್ಸ್ ಮತ್ತು ಸ್ಟೀವ್ ವೋಜ್ನಿಯಾಕ್ ಅವರಿಂದ ಕ್ಯಾಲಿಫೋರ್ನಿಯಾದ ಗ್ಯಾರೇಜ್ ಒಂದರಲ್ಲಿ ಆರಂಭವಾದ ಜಾಗತಿಕ ಟೆಕ್ ದೈತ್ಯ ಆಪಲ್ ಸಂಸ್ಥೆಯು ಈಗ ಯಶಸ್ವಿ 50 ವರ್ಷಗಳನ್ನು ಪೂರೈಸಿದ್ದು, ಈ ಐತಿಹಾಸಿಕ ಮೈಲಿಗಲ್ಲಿನ ಸಂದರ್ಭದಲ್ಲಿ ಸಿಇಒ ಟಿಮ್ ಕುಕ್ ಅವರು ಕಂಪನಿಯ 'ವಿಭಿನ್ನ ಆಲೋಚನೆ' (Think Different) ಹಾಗೂ ನಾವೀನ್ಯತೆಯ ಹಾದಿಯನ್ನು ಸ್ಮರಿಸಿದ್ದಾರೆ.
- ನಾಸಾದ 'ಆರ್ಟೆಮಿಸ್ 2' ಚಂದ್ರಯಾನ: ಐತಿಹಾಸಿಕ ಮಾನವ ಸಹಿತ ಪಯಣ : ನಾಸಾದ 'ಆರ್ಟೆಮಿಸ್ 2' ಯೋಜನೆಯಡಿ ರೀಡ್ ವೈಸ್ಮನ್, ವಿಕ್ಟರ್ ಗ್ಲೋವರ್, ಕ್ರಿಸ್ಟಿನಾ ಕೋಚ್ ಮತ್ತು ಜೆರೆಮಿ ಹ್ಯಾನ್ಸನ್ ಎಂಬ ನಾಲ್ವರು ಗಗನಯಾನಿಗಳನ್ನು ಹೊತ್ತ 'ಓರಿಯನ್' ನೌಕೆಯು ಭಾರತೀಯ ಕಾಲಮಾನ ಗುರುವಾರ ಬೆಳಗಿನ ಜಾವ ಚಂದ್ರನತ್ತ ತನ್ನ ಐತಿಹಾಸಿಕ ಪಯಣವನ್ನು ಆರಂಭಿಸಿದೆ.
----------------------------------------------------------------------------------------------------------------------------
No comments:
Post a Comment